Gwamanatin tarayya ta cimma matsaya da kungiyon yan kwadago kan batu yajin aiki.

Gwamnatin Tarayya da Kungiyar Kwadago sun cimma matsaya kan dakatar da yajin aikin da kungiyar ta shirya yi a fadin kasar bayan wata ganawar sirri da suka yi a fadar shugaban kasa ta Villa Abuja.

MediaLink ta rawaito cewa shugaban kungiyar ƙwadago ta NLC, Joe Ajaero ya ce N25,000 da shugaban kasa Bola Tinubu ya sanar a jawabin cikar Nigeria shekaru 63 da samun ‘yancin kai zai fara aiki ne ga dukkanin ma’aikata mai makon kananan ma’aikata da aka fada a baya, Kuma ya kara Naira 10,000 ya koma Naira 35,000.

Haka zalika, gwamnatin tarayya ta amince za ta cire kaso 7.5% na haraji, VAT da ake biyawa man dizal domin tabbatar da rage farashin kayayyakin da ake amfani da su, wanda dama da shi ne kamfanoni suke amfani wajen samar da wutar lantarki a masana’antu da ofisoshi.

Inda Shugabancin Kungiyar Kwadago zai gana da gamayyar kungiyoyin ma’aikata domin sanar da matakin dakatar da yajin aikin da aka shirya gudanarwa a fadin kasar baki daya da aka tsara farawa daga tsakar daren Talata 3 ga watan Oktoba.

A halin da ake ciki, Gwamnatin Tarayya da Kungiyar Kwadago za su ci gaba da tattaunawa a ranar Litinin don kara samun daidaito kan batutuwan da suka shafi batun cire tallafin man fetur.